O punto de encontro é a porta do Museo. Dende aí nos trasladaremos á Igrexa Parroquial, antigo Convento franciscano da Orde Terceira. Dentro da Igrexa poderemos coñecer as súas fases de construción dende o século XIV ata o XVIII, así como o seu abandono no século XIX e a conversión en igrexa parroquial de Melide. Tamén neste lugar aprenderemos algo sobre o pasado histórico medieval da vila, e os seus personaxes máis influentes dese período.
Ó saír da parroquial coñeceremos a saberemos algo máis sobre o antigo hospital de peregrinos, do que quedan restos visibles na fachada do actual Museo de Melide.
De aquí nos trasladaremos á Capela de San Antón, antigo Pazo da Obra Pía de Mateo Segade Bugueiro. Neste lugar falaremos do século XVII e da evolución dos edificios da Praza do Convento.
Despois iniciaremos o percorrido polas rúas do casco vello, seguindo o trazado da antiga cerca medieval que rodeaba a vila. Pararemos no lugar onde se atopaban cada unha das portas de entrada ó burgo medieval, falando de diferentes episodios ou elementos patrimoniais que estarían situados preto delas.
Faremos parada en varias rúas e prazas que foron escenario de episodios históricos (A Moa, a Rúa Principal, a Praza das Coles e a Rúa de San Pedro).
Finalizaremos a nosa ruta, trasladándonos fora do casco vello, dirixíndonos ata a Capela de San Roque, onde daremos unha pequena explicación do Cruceiro, considerado o máis antigo de Galicia e da fachada da Capela, pertencente á antiga igrexa parroquial de San Pedro de Melide.
Visitantes: 2 € por persoa (a segunda e posteriores veces gratuíta)
Os socios do Museo + 1 acompañante: Gratis
Menores de 16 anos: Gratis
Na visita entrégase un libriño que resume a historia de Melide e que serve de guía para a Ruta. É imprescindible traelo nas visitas posto que no percorrido recorreremos frecuentemente ás súas páxinas.
Monumentos e edificios da vila de Melide, coas súas épocas de construción e estilo
Século
|
Monumento
|
Estilo artístico
|
XIII
|
Portada da Capela de San Roque (antiga portada
da igrexa de San Pedro)
|
Románico do Camiño de Santiago
|
XIV
|
Cruceiro de San Roque
Capela da Virxe da Soedade do convento de Sancti
Spíritus (antiga capela do Santo Cristo)
|
Gótico
Gótico
|
XV
|
Capela Maior do Convento de Sancti Spíritus
|
Gótico Final coñecido como florido, flamíxero
ou Isabelino
|
XVI
|
Portada do antigo Hospital de peregrinos
Pinturas situadas detrás do retablo da Capela
Maior do convento de Sancti Spíritus
Cerca do nabal do Hospital
|
Tardo Gótico/Renacemento
Gótico
hispano-flamenco/Renacemento
|
XVII
|
Obra Pía de San Antón e Retablo da Capela
Retablo da Capela Maior do Convento de Sancti
Spíritus
|
Barroco
Barroco
|
XVIII
|
Capela do Carme
Nave, Torre e Fachadas do convento de Sancti
Spíritus
Retablos laterais do Convento de Sancti Spíritus
|
Barroco
Barroco Compostelán ou de placas
Rococó/Neoclásico
|
XVIII/XIX
|
Cruceiro do Carme
|
|
XIX
|
Casa de Calvo (na Moa)
Casa de Pardo (na Rúa de San Pedro)
|
|
XX
|
Casa do Notario da Rúa do Progreso
Edifico do Banco Pastor
Casa de Bastián (Rúa Principal)
Cine Capitol
|
Modernismo
Eclecticismo
Racionalismo
Racionalismo
|
Artigo elaborado polo Museo da Terra de Melide
